آسف مش عارف أوصفك

لو كان في كلام يوصفك يبأه مش من كلام البشر
ده جمالك من العجايب و من أجمل العبر
يصحه الناس من موتها يشوفو ملكة جمال الزمان
لا ابلها أتخلأ حسن و ولا بعدها يكون جمال
البحر يشوفها يأملها و يعملها تمثال
من أجمل لولي موجود جواه و مرجان
و الصحرا تعمرلها و تبأه أكبر بستان
و القمر ينزلها و يبأه خدام
يألها جمالك غطة نوري في ليالي العاشقين
أحكي لمين عن جمالك و أأول لمين
أمرك فوأ راسي ساري ولو طلبتي النهرين
يكونو تحت رجليكي في غمضة عين
يغنيلك الطير أجمل أشعار المحبين
ده كل أشعار العرب ما توصف جمال العيون
ولو كان أمير الشعرا لجالك مزلول
أحتار ألمي في وصفك ايه أأول
انتي اللي قصيدتك أسمها المأتول
و ازاي أعيش في دنيا انتي فيها
مش عارف أرسم صورتك و أخليها
أشهر من لوحة الموناليزا
انتي العمر اللي راح مني و معشتوش
و أديني ببوح بحبي و عنك مخبتوش
بس مش عارف أأدر جمالك لاني مشفتوش
على واحده أبلك ولا عرفتوش
ده عشانك كسرت ألمي و مشيت ورا الأوهام
و كتبت قصايد شعري و بكيت على الأيام
عشان ألأيكي في الآخر أبعد من الأحلام