هنا

المسك داقق فيك كأن العرق في جسمك عطر


و كلامك كأنه أدان يتصله معاه فرض و وتر

تستحي مني ليه و انا اللي في حبك لسه بكر

غيرانه يا عنيه اما تشوفيها زي كف القمر

عاليه و سط نجومها تضوي وقت السحر

ما مكانها مش على الأرض ده فوق البشر

كحلك واعر دبحني برمش زي الحجر

قلبي متشقق في بعادك و الشمس ما ينفعلها شجر

واخده قلبي و طايره بعيد أعمل ايه ما ده القدر

مفطور قلبي بس ما تبكي العين ولا تضيعي هدر

هلقاك تاني بنفس القلب اللي حب و ما أنفطر

زيدي قسوتك عليه خلي قلبي بقطر دم

ايه يعني الآه من سهم حبيبي اللي اتسم

و ايه يعني الغيره و ايه يعني الهم

بس حبيني ولو للحظه و الجرح يتلم

و انا أعيش مبسوط

و آخد حظي من الدنيا و اتمنى على كتفك أموت

اصحي معاني كتيره ادفنت و تفهميني من السكوت

و ازرع في عنيكي الجنه و اسرح بمعاني الصوت

و ييجي العطر اللي داقق فيكي في خيالي يطوف

أطمن بيكي رغم بعادك و يموت الخوف

و اكتب احلى قصيدة و تغني الدفوف

أحلى تلت حروف اسمك أولهم مكسوف

و تانيهم بيتغنه و تالتهم أحلى الحروف