عايزك متخفش من حاجه ولا حتى السيل
ده الدنيا كلها مرار و ألبها يسأي الويل
أرضها تعب و سأفها الشأه و الحيل
أحفر فيها و خللي الحمل على أد الشيل
أبرك لو جاك الموت ولا تبات عليل
أمشي فيها زي الأسد و سوأ ادامك ألف ميل
أن بكيت أسأي بالدموع فرحك يطرح أبتسامه
و أن ضحكت عللي صوتك للجو ولا تخاف ملامه
بينك و بين سجن خوفك كلمة أسمها الندامه
تندم على ضحكه ما ضحكتها تجيلك يوم الأيامه
تسجنك يابن آدم جوه عضمك و تشيلك اللمامه
لحد أمته تخاف فتح بؤك و كأنك راضي
و أن أزوك تنادي أنجدني يا آضي
و أش يعملك قانون ولا عرف بدل انت مطاطي
جوه دنيا عاليها يدوس سافلها و ما حد فاضي
آسيه ولا أسانا هوه اللي أنطبع على الوشوش
ضاع مننا عمرنا أدام عنينا معشنهوش
و كلمة يا ريت لبانه و سيأنا شوية جحوش
مودينا السلخانه و نعيطلهم و ميسمعوش
عايزك متخفش
04/07/2009
الاشتراك في:
تعليقات الرسالة (Atom)
2 comments:
هههههههه
بجد دمها خفيف جدا
دايما كلامك من وراه كتير كتير
دماغك من الآخر عالية موت
وزى ما بقولك دايما ليك اسلوب خاص مميز
بكل المقاييس
الجبن ف قلبك يعمى عنيك
يشل حركتك يذل ارادتك
ووش ودهر تبوس ايديك
حاسب ف يوم تبص ف مرايتك ولا من النوم تقوم..خد من النوم كفايتك وجودك ملوش لزوم
إرسال تعليق