الأسعار

ألحأو يا جدعان آل ايه حتى اللبان
بيأولو هيغله ضمن اسعار السوأ العيان
طب بنتي هتمضغ ايه دلوأتي يا حيران
و انا أحتار ليه ما تمضغ لو حتى خيار
أسكت مش هيغله كمان
يا خرابي امال هناكل السلطه بأيه بالدبان
ماهو ده اللي لسه بتمنو أخرتو ضربه و نكلو
بس يا ريت ما يغلاش لحسن أبو بردعه و لجام
ناوي يغللي علينا حتى الأيام
يألك ضريبة الحياة لليوم السكران
و نلأينا يا عيني مش عارفين نخش الحمام
ماهو ورأ التواليت غلي يا غلبان
يعني تفضل مزنوأ طول عمرك و مش لاأي راحة
و نلأيها فين ما خلاص كان زمان
أيام ما جدتي كانت بتعمل القطير التمام
و تكلفوا أربع أروش و تأول ده غالي و تعبان
متنا و حتى الدفنه بأت غاليه
يعني لو متنا مدورلناش على أكفان
وفرو تمانها لطبأ فول و بالزيت الحار
اللي يخش على المعده يولع نار
يا عيني علينا و على الأسعار
ربنه يخللنا عمو الدولار
اللي أفل علينا باب الدار